நெல்லிக்குப்பம் தவ்ஹீத் ஜமாத்

கூட்டு குர்பானி வரவு செலவு அறிக்கை

2009-12-12T09:28:00.003+05:30

அரசு வேலை வாய்ப்பு

2009-12-03T22:58:00.004+05:30

நகராட்சி ஆணையர் உள்ளிட்ட 21 பதவிகளுக்கு 1100 பணியிடங்களை நிரப்ப தமிழக அரசின் பணியாளர் தேர்வாணையம் அறிவிப்பு வெளியிட்டுள்ளது.

தகுதி: பட்டப் படிப்பு
கடைசி நாள்: 30.12.2009
வயது: 18 - 30
விண்ணப்பம் கிடைக்கும் இடம்: தலமை தபால் நிலையம்

மேலும் விவரம் அரிய >>>

கூட்டு குர்பானி

2009-10-29T08:57:00.001+05:30

வேலை வாய்ப்பு

2009-10-18T10:27:00.001+05:30

உளவுத் துறையில் அதிகாரி பணிவாய்ப்பு:

மத்திய உள்துறை அமைச்சகத்தின் கீழ் இயங்கும் இண்டெலஜன்ஸ் பீரோ எனப்படும் உளவுப் பிரிவில் அதிகாரி நிலையிலான பணியிடங்கள் அறிவிக்கப்பட்டுள்ளன.

தகுதி: 18-27 வயதுக்குட்பட்டவராக இருக்க வேண்டும்.
Bachelor அல்லது Diploma டிகிரி பெற்றிருக்க வேண்டும்.

மொத்த காலியிடங்கள் 52.

விண்ணப்பிக்க கடைசி நாள் 10.11.2009

விண்ணப்பம் பார்க்க >>>

ஸதகத்துல் ஃபத்ர் விநியோகம்: வரவு செலவு கணக்கு

2009-10-01T18:50:00.001+05:30

இனிதே நிறைவேறிய ஃபித்ரா விநியோகம்

2009-09-26T12:29:00.004+05:30

நோன்பில் நிகழ்ந்த தவறிலிருந்து தூய்மைப்படுத்துவதற்காகவும் ஏழைகளுக்கு உணவளிக்க வேண்டும் என்பதற்காகவும் நபி(ஸல்) அவர்கள் ஸதகாத்துல் ஃபித்ரைக் கடமையாக்கினார்கள். ஆதாரம்: அபூதாவூத்

நபி(ஸல்) அவர்கள் அழைப்பாளர்களை மக்காவின் தெருக்களுக்கு அனுப்பி "தெரிந்து கொள்ளுங்கள்! நிச்சயமாக ஸதகத்துல் ஃபித்ர் ஒவ்வொரு முஸ்லிமின் மீதும் கடமையாகும்" என்ற வாசகத்தை சொல்லச் சொன்னார்கள். ஆதாரம்: திர்மிதி

ரமழான் மாத வழிபாடுகளில் ஸதகாத்துல் ஃபித்ர் எனும் பெருநாள் தர்மமும் ஒன்றாகும். ஆண்டு முழுவதும் வறுமையில் வாடி வதங்கும் முஸ்லிம் சகோதரர்கள் பெருநாளில் தம் வறுமையை மறந்து மகிழ்வாக இருக்க வேண்டும் என்ற உயரிய நோக்கில் ஏழைகளின் துயர் துடைக்க இஸ்லாம் அத்தருமத்தைக் கடமையாக்கியது. இத்தர்மம் ஏழைகளின் உணவாகப் பயன்படுவதோடு அத்தர்மம் செய்தவர் நோன்பு நோற்றிருக்கும் போது செய்த தவறுகளுக்குப் பரிகாரமாகவும் அமைகின்றது. இது இரக்கப்பட்டு நாம் விரும்பிய அளவு கொடுக்கும் தர்மமல்ல. மாறாக "தகுதியுள்ள ஒவ்வொருவரும் இதை நிறைவேற்றியே ஆக வேண்டும் என வலியுறுத்தப்பட்ட கட்டளையாகும்" ஏழைகளின் துயர்துடைக்கவும் சகோதர வாஞ்சையை நினைவூட்டவும் கடமையாக்கப்பட்டுள்ளது.

அதனடிப்படையில் கடந்த 19.09.2009 அன்று இரவு சுமார் 10மணி அளவில் ஃபித்ரா விநியோகம் அர்ரஹ்மான் ஜும்மா பள்ளி வளாகத்தில் விநியோகிக்கப்பட்டது. இதில் சுமார் 375 குடும்பத்தினருக்கு ஃபித்ரா பொருட்கள் கொடுக்கப்பட்டது. அதில் அரிசி, கோதுமை,மைதா,சக்கரை,வனஸ்பதி,மசாலா பாக்கெட்,வெங்காயம்,தக்காளி,உருளை,இஞ்சி,முட்டை மற்றும் கோழி இறைச்சி வழங்கப்பட்டது.

எஸ்.பி. பட்டிணம் பள்ளிவாசலும் TNTJவும்

2009-08-23T12:09:00.003+05:30

புனித ரமலான்

2009-08-21T23:03:00.001+05:30

அர் ரஹ்மான் ஜும்ஆ பள்ளிவாசல் கார்பட் விரிக்கப்பட்ட முதல் தளம்

2009-08-18T19:55:00.002+05:30

அர் ரஹ்மான் ஜும்ஆ பள்ளிவாசல்
கார்பட் விரிக்கப்பட்ட முதல் தளம் (தொழுகை இடம்)

சிறுபான்மையினருக்கான கல்வி உதவித்தொகை

2009-08-09T17:04:00.002+05:30

சிறுபான்மை மாணவ மாணவியருக்கான கல்வி உதவித்தொகை ம த்திய அரசால் வழைங்கப்படுகிறது.
ஆறாம் வகுப்பு முதல் முதுகலை பட்டம் வரை படிக்கும் அனைவருக்கும் இவ்வுக்கத்தொகை வழைங்கப்படுகிறது.
விண்ணப்பம் பார்க்க >>>

இரண்டாம் கட்ட மார்க்க வகுப்பு

2009-08-05T19:58:00.002+05:30

ஷபே பராஅத் இரவு

2009-07-31T14:21:00.001+05:30

கிரகண சிறப்புத் தொழுகை

2009-07-19T19:48:00.002+05:30

வரும் 22.07.2009 புதங்கிழமை காலை 5:15 முதல் 07:30 வரை சூரிய கிரகணம் ஏற்படுகிறது.
நபி(ஸல்) அவர்களின் வழிமுறையைப் பேணி நமது அர்ரஹ்மான் ஜும்ஆ பள்ளியில் கிரகண சிறப்புத் தொழுகைக்கு ஏற்பாடு செய்யப்பட்டுள்ளது.
இன்ஷா அல்லாஹ்!

நாள் : 22.07.2009 புதன்கிழமை
தொழுகை நேரம் : காலை 05:00 முதல் 07:30 வரை (பஜ்ர் தொழுகைக்கு பின்)

நபி(ஸல்) அவர்கள் ஒரு கிரகணத்தின் போது தொழுதார்கள். அதில் (குர் ஆன்) ஓதி விட்டு ருகூவு செய்தார்கள். மீண்டும் ஓதி ருகூவு செய்தார்கள்.இவ்வாறு இரண்டு தடவை ருகூவு செய்தார்கள். அடுத்த ரக் அத்தையும் இதுபோலவே செய்தார்கள்.

அறிவிப்பாளர் : இப்னு அப்பாஸ் (ரலி) ஆதாரம் : திர்மிதி , புஹாரி
பெண்கள் தொழுவதற்கும் தனி இட வசதி ஏற்பாடு செய்யப்பட்டுள்ளது.

அனைவரும் வாரீர் !

அன்புடன்
அர் ரஹ்மான் ஜும்ஆ பள்ளி நிர்வாகம்
நெல்லிக்குப்பம்.

மார்க்க அழைப்புபணி வகுப்புகள்

2009-07-13T23:09:00.001+05:30

அல்லாஹ்வின் மாபெரும் கிருபையைக் கொண்டு நெல்லிக்குப்பம் அர்ரஹ்மான் ஜும்ஆ பள்ளியில் 12.07.2009 ஞாயிறன்று ஏற்பாடு செய்யப்பட்டிருந்த " இஸ்லாமிய மார்க்கமும் அழைப்புபணியும்" குறித்து முதல் வகுப்பு காலை 9.00 முதல் மாலை 06.30 வரை சிறப்பாக நடைபெற்றது. சகோதரர். ராஜ்முஹம்மது மன்பஈ அவர்களது கிராஅத் வரவேற்புரையுடன் துவங்கியது. சகோதரர். ஆலிம். ஜலாலுதீன் அவர்கள் "லாயிலாஹ இல்லல்லாஹ் முஹம்மதூர் ரஸுலுள்ளா" கலிமாவின் விளக்கத்தில் அல்லாஹ்வின் பண்புகள், தகுதிகள் மற்றும் இணை ஏற்படுத்தும் விதம் குறித்து தெளிவாகவும், சிறப்பாகவும் உரையாற்றினார்கள்.

ஆண்களும், பெண்களுமாக ஏறத்தாழ 90 நபர்கள் வகுப்பில் பங்கேற்றார்கள். இவ்வகுப்பிற்க்கு வந்திருந்தவர்களை அன்புடன் வரவேற்று கலந்துக்கொணடவர்களுக்கு எழுதுபொருள் வசதி, ஒலிபெருக்கி வசதி, இருக்கை வசதி, தே நீர் வசதி, பகல் உணவு அகியவற்றை அர்ரஹ்மான் ஜும் ஆ பள்ளிவாசல் நிர்வாகத்தினர் சிறப்பாய் செய்திருந்தனர்.

இவ்வகுப்பின் அடுத்த பாடம் இன்ஷா அல்லாஹ் ஆகஸ்ட் மாதம் இரண்டாம் ஞாயிறன்று நடைபெறும்.
புகழனைத்தும் இறைவனுக்கே!

'இணைவைத்தல்' ஓர் எச்சரிக்கை

2009-07-09T22:46:00.002+05:30

பேய் அரசாண்டால் ... பிணம் தின்னும் சாத்திரங்கள் !!

2009-07-07T11:24:00.003+05:30

இறைவனின் திருப்பெயரால்...
சகோதர சகோதிரிகளே உஷார் !

தட்டு தாயத்து எழுதப்படும்

கயிறு முடிந்து தரப்படும்

வப்பு சூனியம் பார்க்கப்படும்

ஜின் காட்டேரி விரட்டப்படும்

சலுகை விலையோ ரூ 6000/- ம் தான்

இது மட்டுமா ...

பெண் பிள்ளைகளின் இடுப்பு, மார்பு

மச்சம் அறிவிக்கப்படும்

சகோதர சகோதிரி குடும்பங்கள்

குலைக்கப்படும்.

ஏழை பாழைகளின் பணங்கள்

பிடுங்கப்படும்.

சினிமா ஷுட்டிங்கும் நடைபெறும்,

அரசியல் கூட்டமும் அரங்கேரும்,

போலி கபுரும் உருவாகும்

- - - இவைகளெல்லாம் எங்கே, யார் செய்கிறார்கள் தெரியுமா ?

சின்னத்தெரு பள்ளிவாசலில் தான் !

உலமா போர்வையில் உள்ள போலி ஹசரத் !

நிர்வாகி என்ற பெயரில் மார்க்கம் அறிய முஸ்லிம்கள்.

எச்சரிக்கை !

எனதருமைச் சகோதர சகோதரிகளே !
ஹசரத் ? போர்வையில் இவர் செய்யும் அட்டகாசங்கள் கொஞ்சனஞ்சமல்ல ! ஓதிப்பார்த்துக்கொள்ள வரக்கூடிய பெண்களிடம் இவரது சல்லாப பேச்சுக்கள் அளவு கடந்துவிட்டன. ஏனோ தெரியவில்லை மந்திரித்து விடப்பட்டவர்களைப் போன்ற நிர்வாகிகள் !

எச்சரிக்கைக்காக கீழ்காணும் குர் ஆன், ஹதீஸ்கள்

மருத்துவம் செய்யுங்கள் ஏனெனில் மரணம் போன்ற நோயைத் தவிர மற்ற எல்லா நோய்களுக்கும் அல்லாஹ் மருந்தை உருவாக்கியுள்ளான் என நபி (ஸல்) கூறினார்கள்.

அறிவிப்பவர் : உஸாமா இப்னு ஷரீக் (ரலி)
நூல் : அபூதாவூத், திர்மீதி, இப்னுமாஜா

நபி (ஸல்) அவர்களிடம் ஒரு கூட்டத்தினர் வந்தனர். அவர்களின் ஒன்பது நபருக்கு பைஅத் செய்தார்கள். ஆனால் இந்த மனிதரிடம் மட்டும் செய்யவில்லையே ! என மற்றவர்கள் கேட்ட போது இவரிடம் தாயத்து உள்ளது என நபி (ஸல்) அவர்கள் கூறி அதை அறுத்தெரிந்துவிட்டு அவரிடத்தில் பைஅத் செய்தார்கள். (பின்னர்) யார் தாயத்து அணிந்து கொண்டாரோ அவர் இணை வைத்துவிட்டார் என்று கூறினார்கள்.

அறிவிப்பவர் : உக்பா (ரலி)
நூல் : அஹ்மத், ஹாகிம்

எவன் ஜோசியம் கற்கிறானோ அவன் சூனியத்தின் ஒரு பகுதியைக் கற்றுக்கொண்டவன் ஆவான். ஜோசியத்தை அதிகமாக கற்கும் போது சூனியக்கல்வியும் அதிகரிக்கும் என நபி (ஸல்) அவர்கள் கூறினார்கள்.

அறிவிப்பவர் : இப்னு அப்பாஸ் (ரலி)

நூலில் முடிச்சுப்போட்டு அதில் ஊதியவன் சூனியம் செய்தவன் ஆவான். சூனியம் செய்தவன் இறைவனுக்கு இணைகற்பித்தவன் ஆவான். ஏதாகிலும் ஒரு பொருளை தொங்க விட்டுக்கொள்பவன், அதன் மீதே அவன் சாட்டப்படுவான் என அபூஹீரைரா (ரலி) அவர்கள் அறிவிக்கிறார்கள்.

நூல் : நஸயி

(இறை நம்பிக்கைக்குப் பதிலாக) சூனியத்தை எவன் விலைக்கு வாங்கிக்கொண்டானோ அவனுக்கு மறுமையில் யாதெரு பாக்கியமும் இல்லை என்பதை தெளிவாக அவர்கள் அறிந்திருக்கிறார்கள் . (2 : 102)

அவர்கள் சூனியத்தைக் கொண்டும், ஷைத்தானைக் கொண்டும் நம்பிக்கைக் கொள்கிறார்கள். (4 : 15)

பேய் அரசாண்டால் ... பிணம் தின்னும் சாத்திரங்கள் !!

இப்படிக்கு,

மதரஸா அஹ்லுஸ் ஸுன்னா,
சின்னத் தெரு,
நெல்லிக்குப்பம்.

வரதட்சணை இல்லா கிராமம்

2009-07-07T11:17:00.001+05:30

மார்க்க கல்வி வகுப்புகள்

2009-06-12T14:12:00.002+05:30

அன்புடையீர்! அஸ்ஸலாமு அலைக்கும்

எழில்மிகு பள்ளிவாசலும் - வழிதெரியா நிர்வாகிகளும்

2009-06-05T17:21:00.009+05:30

21 ம் நூற்றாண்டு சீரிய சிந்தனையும் , தெளிவானஅறிவுடனும் சிந்தித்து செயல்படும் பகுத்தறிவுள்ள காலத்தில் நாம் வாழ்கிறோம். குர்ஆன், ஹதீஸை ஆழமாக புரிந்துணர்ந்து அல்லாஹ்விற்கு வணக்கம் செலுத்திட ஆவலாய் இருக்கிறோம்!.

இக்காலத்திலும் கூட அறியாமைக்கால நம்பிக்கைகளும், பகுத்தறிவற்ற செயல்களும் நடைபெறத்தான் செய்கின்றன. இதற்கு ஒரு உதாரணம் தான் கடலூர் மாவட்டம் நெல்லிக்குப்பம் என்கிற ஊரில் நடந்துவரும் கொடியேற்று விழாவும், அதனைச்சார்ந்த சடங்குகளூம்.

ஒருகாலத்தில் நாகூரில் இறைநேசர் வாழ்ந்திருக்கலாம், அங்கு அவர் மரித்திருக்கலாம். அவ்விடத்தில் வருடாவருடம் செய்யப்படும் கூடு, கொடியேற்றம் விழாவைப் போன்று அதே நாளில் நெல்லிக்குப்பத்திலும் செய்கிறார்கள். நாகூரிலாவது அந்த பெரியவரின் கப்ருஸ்தான் உள்ளதென சொல்லப்படுகிறது. ஆனால் நெல்லிக்குப்பத்தில் எதுஒன்றும் இல்லை, அவர் வந்து சென்றமைக்காண ஆதாரமும் இல்லை. ஆனாலும் கூட கொடியேற்று விழா வைபவம், ஃபாத்திஹா, சீரணி இறைத்தல், விளக்கேற்றல், கொடி இறக்குதல் என்கிற சடங்குகள் (ஷிர்க்கான செயல்கள்யாவும்) அல்லாஹ்வை வழிபடும் பள்ளிவாசலில் வைத்தே செய்கிறார்கள். இங்குதான் கப்ர் இல்லையே! என்று நீங்கள் கேட்கலாம்.

தற்காலிகமாக நீளபெஞ்ச் போடப்பட்டு அதன் மீது பச்சைதுணியைப்போட்டு மூடி கப்ரை உருவாக்கிவிடுவார்கள் இந்த பள்ளி நிர்வாகிகள். இச்செயல்கள்யாவும் பள்ளிவாசலினுள் தான் நடைபெறுகிறது. ஒவ்வொரு ஊரிலும் தர்கா என்பது தனியாகவும், பள்ளிவாசல் என்பது தனியாகவும் இருக்கும். அனைத்து ஷிர்க்கான (உருஸ், கொடியேற்றம், பேண்டு கச்சேரி) காரியங்களும் அந்த தர்கா பகுதியில்தான் நடக்கும்.

* நெல்லிக்குப்பத்தில் கொடியேற்றம், ஏமாற்றும் வித்தைகள், பெஞ்ச் கபூர் இவையெல்லாம் பள்ளிவாசனினுள் நடக்கும்.

** இது மட்டுமல்லாமல் சினிமா ஷுட்டிங் மற்றும் அரசியல் கூட்டம் போன்றவையும் இங்கு நடந்துள்ளது.

*** இந்த பள்ளியின் இமாம் ?????

இவர் செய்யும் ஷிர்க்கான செயல்கள் ஒன்று இரண்டல்ல. உடல்நலம் பாதிக்கப்பட்டு வருபவர்களுக்கு பேய், பிசாசு, வப்பு, ஜின் என்று கதை விட்டு அவர்களை ஏமாற்றி ரூ. 3000, ரூ.5000 பீஸ் பிடுங்கி விடுவார். தட்டு, தகடு, கயிறு என அமோக வியாபாரம் நடைபெற்று வருகிறது.

பெண்கள் பள்ளிவாசல்களுக்கு வந்து தொழுவதை தடை செய்வார்கள், ஆனால் இந்த மோசடி ஹஜரத்திடம் அமர்ந்து பேசிட, ஏமாற்று வேலை செய்து பிழைப்பு நடத்திட, ஷிர்க்கான செயல்களை செய்திட பள்ளிவாசலில் பெண்களுக்கு அனுமதி. பெருத்த கைசேதம்!!!

பலமுறை நிர்வாகத்திடம் எடுத்து சொல்லப்பட்டுவிட்டது. செவிடன் காதில் ஊதிய சங்குதான். சீந்திப்பிர் !!!

இன்ஷா அல்லாஹ் ! அதிரடிதிட்டம்.

அல்லாஹ்வுடைய பள்ளிவாசலை பேண லாயக்கற்றவர்களிடமிருந்து மீட்டு பள்ளிவாசலில் அல்லாஹ்வை மட்டும் வழிபடும் இடமாக பயன்படுத்தப் போகும் காலம் வெகுதொலைவில் இல்லை.

இன்ஷா அல்லாஹ் !
விடியல் வரும் ! நிர்வாகம் மாறும் !
அனாசாரங்கள் அழியும் !! அல்லாஹுடைய பள்ளி தூய்மை பெறும்!!

அல்ஹம்துலில்லாஹ்

2009-05-07T20:57:00.016+05:30

அல்லாஹ்வின் பேரருளால் கடந்த
20-04-2009 முதல் அர்ரஹ்மான் ஜும்மாபள்ளியில் நடைப்பெற்று வந்தகோடைக்கால பயிற்சி வகுப்புகள்
02-05-2009 அன்று சிறப்பாக முடிவுற்றது.மாணவர்களும் மாணவிகளும் பெரும் திரளாககலந்து கொண்டு மார்க்க கல்வி கற்றனர். அதில்

இஸ்லாமிய அடிப்படை கொள்கைகள்
குர்ஆன் - வரலாறும் சிறப்பும்
நபிகளாரின் வாழ்க்கை வரலாறு
நபிமார்களின் வரலாறுகள்
நபிதோழர்களின் வரலாறுகள்
நபிதோழியர்களின் வரலாறுகள்
பெண்களுக்கான சட்டங்கள்
தொழுகை - சிறப்பும், செயல்முறையும்
துவா - அவசியமும், முக்கியமான துவாகளும்
மறுமை நாள்
சொர்க்கம், நரகம், மண்ணறை வாழ்க்கை.

இன்னும் பல தலைப்புகளில் மார்க்கக்கல்வி சிறப்பாக கற்று கொடுக்கபட்டது. மாணவ/மாணவிகளுக்கு கணினி பயிற்சியும், மார்க்க அறிஞர்களின் மார்க்க உறையும் தொலைக்காட்சியில் காண்பிக்கப்பட்டது. கலந்து கொண்டவர்களுக்கு 03-05-2009 ஞாயிற்றுகிழமை காலை 10 மணிக்கு தேர்வுகள் நடைபெற்றன. 70 க்கும்மேற்பட்ட மாணவ/மாணவிகள் கலந்து கொண்டு தேர்வு எழுதினார்கள். தேர்வுமுடிவுகள் இன்ஷா அல்லாஹ் வரும் 08-05-2009 வெள்ளிக்கிழமை வெளியாகும்.

இனிதே நடைப்பெற்று வரும் கோடைக்கால பயிற்சி வகுப்புகள்

2009-04-29T17:33:00.002+05:30

இஸ்லாமிய மாணவர்கள் தங்கள் பள்ளி விடுமுறை நாட்களை பயனுள்ளவிதத்தில் கழித்திட மார்க்க அறிவு பெறும் பொருட்டு கோடைக்கால பயிற்சி வகுப்புகள் கடந்த 20.04.2009 முதல் 30.04.2009 வரை அர்ரஹ்மான் ஜும்மா பள்ளியில் நடைப்பெற்றுவருகிறது. இப்பயிற்ச்சி வகுப்பில் இஸ்லாமிய கொள்கை விளக்கம், நபிமார்களின் வரலாறுகள், பெண்களுக்கான சட்டங்கள், கணினியில் குர்ஆன், ஹதீஸ்களை இயக்குதல் போன்ற வகுப்புகள் மார்க்க அறிஞர்களால் பயிற்றுவிக்கப்படுகிறது. இப்பயிற்சி வகுப்புகளில் சுமார் 70வது க்கு மேற்பட்ட மாணவ, மாணவியர்கள் பயின்றுவருகிறார்கள் என்பதும் குறிப்பிடத்தக்கது.

கோடைகால இஸ்லாமிய பயிற்சி வகுப்புகள்

2009-04-17T14:16:00.002+05:30

ரெயில்வே - வேலைவாய்ப்புகள்

2009-03-26T22:23:00.000+05:30

சென்னை ரெயில்வே துறையில் (B.E/ Diploma) படித்த பொறியாளர்கள் , (Physics/Chemistry) படித்த பட்டதாரிகள் மற்றும் I.T.I படித்தவர்களுக்கு வேலைவாய்ப்புகள் உள்ளன. விண்ணப்பம் சேர வேண்டிய கடைசி நாள் 20.04.2009
முழு விவரம் பார்க்க >>>

மதுக்கடை அகற்றக் கோரி போராட்டம்

2009-03-16T22:00:00.001+05:30

ஹஜ் பயணத்துக்கான விண்ணப்பங்கள் வினியோகிக்கப்படுகிறது

2009-03-06T01:08:00.003+05:30

தமிழ்நாடு மாநில ஹஜ் பயணக்குழு உறுப்பினர்-செயல் அலுவலர் வெளியிட்ட செய்தியில் கூறப்பட்டு இருப்பதாவது:-

ஹஜ் புனித பயணம் மேற்கொள்ள விரும்பும் தமிழ்நாட்டில் வசிக்கும் முஸ்லிம்கள், அதற்கான விண்ணப்பங்களை, புதிய எண்.13 (பழைய எண்.7), மகாத்மா காந்தி சாலையில் (நுங்கம்பாக்கம் நெடுஞ்சாலை-சென்னை 34), ரோஸி டவர், மூன்றாம் தளத்தில் அமைந்துள்ள தமிழ்நாடு மாநில ஹஜ் குழுவின் நிர்வாக அலுவலரிடமிருந்து 5-3-2009 முதல் பெற்றுக் கொள்ளலாம்

பூர்த்தி செய்யப்பட்ட விண்ணப்பங்களை சமர்ப்பிக்க வேண்டிய கடைசி நாள் 31-3-2009 ஆகும்.
பன்னாட்டு கடவுச் சீட்டில் மட்டுமே (பாஸ்போர்ட்) ஹஜ் பயணத்துக்கான விசா வழங்கப்படும் என சவுதி அரேபிய அரசு அறிவித்துள்ளதால், ஹஜ் புனிதப் பயணத்தை மேற்கொள்ள விரும்புவோரில், தெரிவு செய்யப்படுவோர் அனைவரும் பன்னாட்டு கடவுச் சீட்டு பெறவேண்டும் எனவும் தெரிவிக்கப்படுகிறது.

முழு விவரம் பார்க்க >>>

J.T.O பதவிக்கான தேர்வுகள்

2009-02-27T09:40:00.002+05:30

B .S.N.L ல் J.T.O( Junior Telecom Officer) பதவிக்கான தேர்வுகள் 21.06.2009 நடக்கயிருக்கிறது.

மொத்த காலியிங்கள் : 3945 (நாடு முழுவதும்)
தகுதி : B.E/ B.tech (Electrical, Electronics, Civil, IT )
விண்ணப்பம் சேர
வேண்டிய க்டைசி நாள் : 06.04.2009

குறிப்பு: இறுதி ஆண்டு படிக்கும் பொறியியல் மாணவர்களும் விண்ணப்பிக்களாம்

விண்ணப்பம் பார்க்க

சமுதாயத்தின் எதிர்காலமும் பள்ளிவாசல் இமாம்களும்

2009-02-23T00:30:00.005+05:30

முஸ்லிம் சமுகத்தில் பள்ளிவாசலுக்கும், பள்ளிவாசல் இமாமுக்கும் தனி அந்தஸ்தும், சிறப்பும்,பொறுப்பும் வாய்ந்த பதவி ஆகும். மார்க்க அறிஞர்களை இறைத்தூதர்களின் வாரிசுகளாக அண்ணல் நபிகளார்(ஸல்) அறிவித்துள்ளார்கள். ஆதலால் இறைத்தூதர்(ஸல்) அவர்கள் ஆற்றிய அதே கடமைகளைத்தான் இமாம்களும் நிறைவேற்ற வேண்டியவர்களாக இருக்கிறார்கள்.

இன்றைய பள்ளிவாசல்கள் தொழுகையாளிகள் கூடுகிற இடமாகவும், ஒரு சடங்கு போல வணக்கத்தை நடத்தி முடிக்கின்ற இடமாகவும் இறுக்கிறது. பள்ளிவாசல் என்பது வழிபாட்டுக்கான இடம் மட்டுமா?
கிடையாது. ஒரு இஸ்லாமியக் குடியிருப்பின் எல்லா சமூக, பொருளாதார, அரசியல், இறைவணக்க செயல்களின் மையம்தான் பள்ளிவாசல்.

இறை நம்பிக்கையைப் புதுபித்துக் கொள்வதற்கும், இறைவனுக்கும் அடிபணிந்து கொள்வதற்கும், உறுதிமொழியை நினைவுபடுத்திக் கொள்வதற்கும், முஸ்லிம்களுக்கு அன்றாடம் ஐவேளை பயிற்சி கொடுக்கப்படுகிற பாசறைதான் பள்ளிவாசல்.

இறைத்தூதர்(ஸல்) அவர்கள் காலத்து பள்ளிவாசல்கள் அழைப்பு பணிக்கான மையமாகவும், நீதிமன்றமாகவும், அரசியல் கேந்திரமாகவும் பள்ளிவாசல்கள் திகழ்ந்தன.
அங்குதான் வழக்குகள் விசாரிக்கப்பட்டு தீர்ப்புகள் வழங்கப்பட்டன.
அங்குதான் ஜிஹாதுக்கான அறிவிப்பும் கொடுக்கப்பட்டது.
அதனைக் கேட்டு போர்வீரர்கள் அணிதிரண்டதும் அங்கு தான்.
போர்க்களங்களுக்குப் படைகள் கிளம்பியதும் அங்கிருந்துதான்.
சமுதாய விவகாரங்கள் தொடர்பான ஆலோசனை நடைப்பெற்றதும் அங்குதான்.
ஆதலால்தான் அவர்களால் எண்ணி முப்பதே ஆண்டுகளுக்குள் ஈரான், ரோம் போன்ற வல்லரசுகளை விழ்த்தமுடிந்தது. நூறாண்டுகளுக்குள் ஸ்பெயின் குகைகள் வரையிலும், சினத்து கடற்கரைகள் வரையிலும் பரவமுடிந்தது.
ஆனால் இன்று நாம் பெரும் எண்ணிக்கையில், கோடிக்கணக்கில் இருக்கின்றோம் என்றாலும் உலகெங்கும் இழிவும், அழிவும் நம் மீது விசப்படுகிறது. அவை முஸ்லிம்கள் மீது பாய்ந்து குதறிச் சிரழிக்கின்றன.

அன்றைய அரபு பாலைவனத்தில் அலைந்து திரிந்துக் கொண்டிருந்தவர்களிடம் இறைனம்பிக்கையும், உறுதியும் வேரூன்றிய போது அவர்கள் மிகச்சிறந்த தளபதிகள் ஆனார்கள். வரலாற்றின் சவால்களைப்பகுத்து அறிந்தார்கள். அவற்றை முறியடிக்கவும் ஆற்றல்களை வளர்த்துக் கொண்டார்கள்.

ஆகவே, இன்றைய இமாம்கள் சமுதாயத்தை வழி நடத்துக்கின்ற திறமையையும், ஆற்றலையும் வளர்த்துக் கொள்ள வோண்டும். தகுதியையும், திறமையையும் வள்ர்த்துக் கொண்டால் சமூகத்தையே புரட்டிப் போட்டு மகத்தான மாற்றத்தைக் கொண்டு வர முடியும்.

இந்திய சுதந்திரத்தில் முஸ்லிம்களின் பங்கு என்ன?

2009-02-17T07:50:00.005+05:30

இந்திய விடுதலைப்போர் என்பது ஒரு வீர காவியம். இந்தப் போரில் எண்ணற்றவர்கள் சிறை சென்றனர். இலட்சக்கணக்கானோர் தங்கள் இன்னுயிரைத் தியாகம் செய்தனர். இத்தியாக வேள்வியில் ஈடுபட்டவர்களில் முஸ்லிம்களின் பங்கு மகத்தானது. இதனை 1975ம் ஆண்டு டிசம்பர் மாதம் 27ம் தேதி வெளியான 'இல்லஸ்டிரேட்டட் வீக்லி' என்னும் பத்திரிக்கையில் அதன் ஆசிரியர் குஷ்வந்த் சிங் பல ஆதாரங்களுடன் எடுத்துக் கூறி உறுதிப்படுத்தியுள்ளார்.

'இந்திய விடுதலைக்காகச் சிறை சென்றவர்களிலும் உயிர்த் தியாகம் செய்தவர்களிலும் முஸ்லிம்கள் அதிக எண்ணிக்கையில் இருந்தனர். அவர்களுடைய மக்கள் தொகை விகிதாச்சாரத்தைவிட விடுதலைப்போரில் உயிர் துறந்த முஸ்லிம்களின் விகிதாச்சாரம் அதிகம்' என்று அந்தப் பத்திரிக்கையில் வெளியான கட்டுரையில் கூறப்பட்டுள்ளது.

அலைகடல் அரிமா குஞ்சாலி மரைக்காயர்

இந்திய விடுதலைப் போரின் முன்னோடிகளாகத் திகழ்பவர் ஒரு முஸ்லிம் தான் என்பதை வரலாறு எடுத்துக் காட்டுகிறது. கடற்போர் பல செய்த தமிழ் மன்னர்களைப் பற்றிச் சங்க இலக்கியங்கள் புகழ்ந்து உரைக்கின்றன. அம்மன்னர்களைப் போன்று கடற்போர் பல செய்தவர் குஞ்சாலி மரைக்காயர். ஆங்கிலேயர் நம் நாட்டை அடிமைப்படுத்துவதற்கு முன் இங்கு வந்து கால்பதித்த போர்ச்சுகீசியரை விரட்டியடிக்க கடற்போர் பல செய்த குஞ்சாலி மரைக்காயர் தான் இந்திய விடுதலைப் போரின் முன்னோடி. கடற்போரில் சாகசங்கள் புரிந்த இந்த வீரத் தளபதியை வெற்றி கொள்ள முடியாத எதிரிகள் நயவஞ்சகமாகக் கொன்றனர்.

வரி தர மறுத்த வரிப்புலிகள்

இந்தியா 1947ம் ஆண்டு சுதந்திரம் பெற்றது. ஆனால், அதற்கு முன்னரே சுதந்திரம் பெற்று விட்டோம் என்று மிகுந்த நம்பிக்கையுடனும், உறுதியுடனும் 'ஆடுவோமே பள்ளு பாடுவோமே, ஆனந்த சுதந்திரம் அடைந்து விட்டோம்' என்று பாடினார் மகாகவி பாரதியார். அந்த அளவுக்கு அவரது மனதில் நம்பிக்கை விதையை விதைத்தது ஹாஜி ஷரியத்துல்லா 1781ம் ஆண்டு தொடங்கிய பெராஸி இயக்கமும் அதன் பின் தோற்றுவிக்கப்பட்ட வஹாபி இயக்கமும் ஆகும் என்று கூறலாம்.

வஹாபி இயக்கம் என்று வரலாற்றாசிரியர்களால் குறிப்பிடப்படும் இயக்கத்தை தோற்றுவித்தவர் சையது அஹமது என்பவர் ஆவார். பிரிட்டிஷ் கிழக்கிந்தியக் கம்பெனிக்கு எதிராகப் பல போராட்டங்களை அந்த வஹாபி இயக்கம் நடத்தியது. வங்கத்தில் வரி கொடா இயக்கம் நடத்தி நாடியா மாவட்டத்தில் 24 பர்கனாக்களைப் பிரிட்டிஷ் ஆதிக்கத்திலிருந்து விடுவித்து, இந்திய மக்கள் சுதந்திரச் சுவாசிக்க வழிவகுத்தது. சுதந்திரம் அடைந்து விட்டோம் என்று தீர்க்க தரிதனத்துடன் அமரகவி பாரதி பாடியதற்கு இந்த வரலாற்றுப் பிண்ணனி தான் காரணம் என்று உகிக்க முடிகிறது.

கதி கலக்கிய கான் சாஹிபு

ஒரு காலத்தில் ஆங்கிலேயருக்கு வேண்டியவராக இருந்து, பிறகு அவர்களுக்கு எதிராக மாறியவர் கான்சாஹிப்.. இவர் யூசுப்கான், நெல்லூர் சுபேதார், முஹம்மது யூசுப், கும்மந்தான், கம்மந்தான் சாகிபு என்று பல்வேறு பெயர்களால் அழைக்கப்பட்டார். யூசுப் கான் சாஹிபு மதுரையில் ஆங்கிலேயரின் கொடியைப் பீரங்கி வாயில் வைத்துச் சுட்டுப் பொசுக்கி விட்டு சுதந்திரப் பிரகடனம் செய்தவர். இவர் தொழுகை நடத்திக் கொண்டிருந்த போது சொந்த நாட்டுத் துரோகிகளால் காட்டிக் கொடுக்கப்பட்டார். ஆங்கிலேயர் அவரைத் தூக்கிலிட்டுக் கொன்றனர்.

ஷா அப்துல் அஜீஸ்

இந்தியாவைச் சுதந்திர நாடாகப் பிரகடனம் செய்த இஸ்லாமிய விடுதலை வீரர்களில் ஷா அப்துல் அஸீஸ் அல் தெஹ்லவியும் ஒருவர். பிரிட்டிஷ் அரசாங்கம் முஸ்லிம்களுக்கு நேரடியாகவும் மறைமுகமாகவும் இன்னல்கள் இழைத்து வருவதைக் கண்டு வேதனைப்பட்ட அவர் இந்தியாவை 'தாருல் ஹர்ப்' ஆகப் பிரகடனம் செய்தார்.

ஷா வலியுல்லாஹ்வின் மூத்த மகனாக 1746ம் ஆண்டு டெல்லியில் பிறந்த தெஹ்லவி ஆங்கிலேயரை எதிர்க்க முஸ்லிம்களுக்கு இராணுவப் பயிற்சியளிக்கத் திட்டமிட்டிருந்தார். அத்திட்டம் நிறைவேறுவதற்கு முன்னரே காலமாகிவிட்டார். இவர் கூறியுள்ள மார்க்கத் தீர்ப்புகள் 'பத்வா' எனும் பெயருடன் இரண்டு பகுதிகளாக வெளிவந்துள்ளன.

அஞ்சாத புலி ஹைதர் அலி

18ம் நூற்றாண்டில் சிறந்த தளபதியாகத் திகழ்ந்தவர் ஹைதர் அலி. இவர் ஆங்கிலேயரின் ஆதிக்கத்தை எதிர்த்து நடத்திய போர் 'முதலாம் மைசூர் போர்' எனப்படுகிறது. ஹைதர் அலியின் தாக்குதலைச் சமாளிக்க முடியாமல் ஆங்கிலேயர் தோற்று ஓடினர். ஆனால், இரண்டாம் மைசூர் போரில் ஆங்கிலேயர் சூழ்ச்சி செய்து இவரைத் தோற்கடித்தனர்.

தீரன் திப்பு சுல்தான்

'மைசூர் புலி' திப்பு சுல்தானின் பெயரைக் கேட்டாலே ஆங்கிலேயரின் உடல்கள் நடுங்கும். இவர் ஹைதர் அலியின் மகனாவார். இரண்டாம் மைசூர் போரில் இவரது பங்கு மகத்தானது. தன் தந்தையின் மறைவிற்குப் பின், ஆங்கிலேயரை எதிர்த்து இவர் போரில் ஈடுபட்டார்.

1790ம் ஆண்டு முதல் 1792ம் ஆண்டு வரை நடை பெற்ற மூன்றாம் மைசூர் போரில் திப்பு தோல்வியடைந்தார். தங்களுக்கு அடங்கி நடக்க வேண்டும் என்று ஆங்கிலேயர்கள் கூறிய போது, திப்பு சுல்தான் 'முடியாது' என்று மறுப்புத் தெரிவித்தார். மதிப்பிற்குரிய இந்த வீரருக்கு ஒருவன் துரோகம் செய்தான். அதன் காரணமாக எதிரிகளின் துப்பாக்கிக் குண்டுக்கு திப்பு சுல்தான் இரையானார்.

வங்கத்துச் சிங்கங்கள்

வங்காளத்தில் 1776ம் ஆண்டு முதல் 10 ஆண்டுகள் ஆங்கிலேய ஆதிக்கத்திற்கு எதிராக முஸ்லிம் பக்கிரிகள் நடத்திய புரட்சியால் பிரிட்டிஷ் ஆட்சி கதிகலங்கி விட்டது. இந்தப் புரட்சிக்குத் தலைமை தாங்கிய சிராக் அலியைப் பிடிக்க ஆங்கிலேயர்கள் எவ்வளவோ முயற்சித்தனர். தலைமறைவான அவரை கடைசி வரை ஆங்கிலேயர்களால் பிடிக்க முடியவில்லை.

தென்னாட்டு வேங்கைகள்

தென்னகத்தின் பல பகுதிகளிலிருந்து ஆங்கிலேய ஆட்சிக்கு எதிராகப் புரட்சியாளர்கள் கிளர்ச்சி செய்தனர். 1800ம் ஆண்டு இக்கிளர்ச்சிக்கு கோவையில் தலைமை தாங்கி நடத்தியவர் முஹம்மது ஹசன். ஓசூரில் தலைமை வகித்து நடத்தியவர் ஃபத்தேஹ் முஹம்மது. ஆங்கிலேயப் படை முஹம்மது ஹசனைக் கைது செய்தது. கிளர்ச்சி பற்றிய தகவல்களை அறிந்து கொள்ள ஆங்கிலேயர் அவரை சித்ரவதை செய்தனர். புரட்சியாளர்களின் திட்டங்கள் ஆங்கிலேயருக்குத் தெரிந்து விடக் கூடாது என்று கருதிய முஹம்மது ஹசன் தன் குரல்வளையை அறுத்துக் கொண்டு இந்தியத் தாயின் விடுதலைக்குத் தன் இன்னுயிரை அர்ப்பணித்துக் கொண்டார்.

குடகுப் பகுதியில் கிளர்ச்சிக்குத் தலைமை வகித்து நடத்திய மக்கான் கான், மகபூப்தீன் ஆகியோரை ஆங்கிலேயர்கள் கைது செய்தனர். மங்களூருக்கு அருகில் உள்ள எட்காலி குன்றில் இவர்கள் இருவரும் 1800ம் ஆண்டு ஆகஸ்ட் மாதம் 25ம் தேதியன்று தூக்கிலிடப் பட்டனர்.

முஃப்தீ இனாயத் அஹ்மது

தேடி வந்த முன்சீப் பதவியை உதறித் தள்ளி விட்டு இந்திய விடுதலைப் போராட்டத்தில் ஈடுபட்டவர் முஃப்தீ இனாயத் அஹ்மது. உ.பி.யில் 1822ம் ஆண்டு பிறந்த இவர் நிகழ்த்திய தீப்பொறி பறக்கும் சொற்பொழிவுகள் மக்களுக்கு விடுதலை உணர்வை ஊட்டின. இதனால் ஆத்திரமடைந்த ஆங்கிலேய அரசு இவரைக் கைது செய்தது. இவர் மீது வழக்கு தொடரப்பட்டது. 'நீங்கள் புரட்சி செய்தது உண்மையா?' என்று நீதிபதி இவரிடம் கேட்டார்.

'ஆம். அடிமை விலங்கை உடைத்தெறியப் புரட்சி செய்வது என்னுடைய கடமை என்று உணர்ந்து கொண்டேன். புரட்சி செய்தேன்' என்று முஃப்தி இனாயத் அஹ்மது துணிச்சலுடன் பதிலளித்தார். இவருக்கு நீதிமன்றம் ஆயுள் தண்டனை விதித்தது.

அன்றும்... அயோத்தி அவலம்...

தேச விடுதலைக்காக நாடு முழுவதும் துறவிக் கோலத்தில் சுற்றுப்பயணம் செய்து புரட்சிப் பிரச்சாரம் செய்தவர் மௌலவி அஹ்மத்துல்லாஹ் ஷா மதராஸி. சென்னை நவாபின் வழிவந்தவரான இவர் கிழக்கு அயோத்தி எனப்படும் பைசாபாத்தின் அதிபராக இருந்தவர். இவரது புரட்சிப் பிரச்சாரம் ஆங்கிலேயருக்கு ஆத்திரமூட்டியது. இவரைக் கைது செய்து பைசாபாத் சிறையில் அடைத்தனர். புரட்சியாளார்கள் சிறைக் கதவை உடைத்து இவரை மீட்டு வந்தனர். இவரை உயிருடனோ அல்லது பிணமாகவோ ஒப்படைப்பவருக்கு ஐம்பதினாயிரம் ரூபாய் பரிசு வழங்கப்படும் என்று ஆங்கிலேய அரசு அறிவித்தது.

தலைமறைவாக இருந்த மௌலவி அஹ்மத்துல்லாஹ் ஷா மதராஸி அயோத்தி மன்னன் விரித்த வஞ்சக வலையில் சிக்கினார். அவரைக் காண யானைப் பாகனாக மாறு வேடத்தில் சென்ற போது, அயோத்தி மன்னனின் தம்பி பாவென் என்பவன் துப்பாக்கியால் சுட்டுக் கொன்றான். 1858ம் ஆண்டு ஜூன் மாதம் 15ம் தேதியன்று அவரது தலையை அயோத்தி மன்னன் வெட்டி ஆங்கிலேயரிடம் கொண்டு போய்க் கொடுத்து ஐம்பதினாயிரம் ரூபாய் பரிசை பெற்றான்.

புதைந்து போன புரட்சி மலர்கள்

வட இந்தியாவில் நடைபெற்ற சிப்பாய்ப் புரட்சியின் போது ஹியூவீலர் என்னும் ஆங்கிலேய அதிகாரி சுட்டுக் கொல்லப்பட்டார். இப்புரட்சியில் கலந்து கொண்ட ஜாபர் அலி என்பவர் தான் அவரைச் சுட்டுக் கொன்றார் என்ற தவறான தவகல் ஆங்கிலேய அதிகாரிகளுக்குத் தரப்பட்டது. ஜாபர் அலி கைது செய்யப்பட்டார். அவரை ஒரு தூணில் கட்டி வைத்து, சாட்டையால் அடித்தனர். அவரது உடலிலிருந்து கசிந்த இரத்தம் கீழே விரிக்கப்பட்டிருந்த ஈரப்பாயில் சிந்தி உறையாமல் ஈரமாக இருந்தது. பாயில் சிந்திய இரத்தத்தை நாவினால் சுத்தப்படுத்தும் படி ஜாபர் அலியை சித்ரவதை செய்தனர். பாயை சுத்தம் செய்த போதும் சாட்டையால் அவரை அடித்தனர். இறுதியில் ஜாபர் அலி ஆங்கிலேயர்களால் தூக்கிலிடப்பட்டுக் கொல்லப்பட்டார்.

1857ம் ஆண்டு நடைபெற்ற சிப்பாய்ப் புரட்சியின் போது டிட்டு மிர் மியான் என்று அழைக்கப்பட்ட மிர் நிசார் அலி வஹாபிகளை ஒன்று திரட்டிக் கிளர்ச்சியில் ஈடுபடுத்தினார். கொல்கத்தா அருகே பல கிராமங்களை ஆங்கிலேயரின் அதிக்கத்திலிருந்து விடுவித்தார். பிரிட்டிஷ் தளபதி அலெக்சாண்டர் தலைமையில் இராணுவம் வந்து கிளர்ச்சியாளர்கள் மீது தாக்குதல் தொடுத்தது. இதில் 400 வஹாபியர்கள் கொல்லப்பட்டனர். கிளர்ச்சியின் முன்னணியில் இருந்த ரசூல் என்பவர் தூக்கிலிடப்பட்டார்.

அன்றும் ஒரு பொடோ

இந்திய மக்களை ஒடுக்குவதற்காக ஆங்கிலேயர்கள் பல அடக்குமுறைச் சட்டங்களைக் கொண்டு வந்தனர். அவற்றுள் மிகக் கொடுமையானது 'ரௌலட் சட்டம்'. இந்தச் சட்டத்திற்கு எதிராக இந்தியாவெங்கும் பெரும் கிளர்ச்சி மூண்டது. பஞ்சாபில் இக்கிளர்ச்சி மிகத் தீவிரமாக நடைபெறக் காரணமாக இருந்தவர் டாக்டர் சைபுதீன் கிச்சுலு. இவரைப் பிரிட்டிஷ் இராணுவம் அமிர்தஸரசிலிருந்து 160 கிலோ மீட்டர் தொலைவில் இருந்த தர்மசாலா என்னும் இடத்திற்கு அழைத்துச் சென்றது. இதனை அறிந்த மக்கள் கொதிப்படைந்தனர். போலீஸ் ஆணை ஆணையர் அலுவலகத்திற்கு அவர்கள் பெருந்திரளாகச் சென்றனர். அந்த மக்கள் மீது இராணுவத்தினர் துப்பாக்கிச் சூடு நடத்தினர். இதனால் ஆத்திரமடைந்த மக்கள் அரசு அலுவலகங்களுக்குள் புகுந்து சேதம் விளைவித்தனர். இதில் ராபின்சன், சார்ஜண்ட் ரௌலண்ட் என்னும் இரு ஆங்கிலேயர்கள் கொல்லப்பட்டனர்.

அப்போது மக்களை அமைதிப்படுத்திக் கொண்டிருந்த மக்பூல் மாமூத் என்னும் வழக்கறிஞரைப் போலீசார் கைது செய்தனர். ராபின்சன், ரௌலண்ட் ஆகியோரைக் கொன்றவர்கள் யார் என்று கூறும் படி அவரைச் சித்ரவதை செய்தனர். 'கொலையாளிகளை என்னால் அடையாளம் காட்ட முடியாது' என்று அவர் எழுதிக் கொடுத்தார். உடனே போலீசாரே சில பெயர்களை எழுதி, அவர்கள் குற்றவாளிகள் என்று வாக்குமூலம் தருமாறு அவரை வற்புறுத்தினர். 'எனக்கு மனசாட்சி உண்டு, பொய் சொல்ல மாட்டேன்' என்று அவர் உறுதியாகக் கூறிவிட்டார். மன சாட்சியுடன் நடந்து கொண்ட அவரது வக்கீல் சான்றிதழ் பறிக்கப்பட்டது.

இந்தக் கலவரத்தின் போது ஈஸ்டன் என்னும் ஆங்கிலப் பெண்மணியைத் தாக்க முயன்றதாக முஹம்மது அக்ரம் என்பவர் கைது செய்யப்பட்டார். உண்மையில் அவர் ஈஸ்டனைத் தாக்கும் முயற்சியில் ஈடுபடவில்லை. ஆனால் விசாரணையில் அவர் குற்றவாளி என்று கூறி மரண தண்டனை விதிக்கப்பட்டது.

சட்டத்தை மீறி தண்டியில் உப்பு அள்ளிய காந்தியடிகள் கைது செய்யப்பட்டதைக் கண்டித்து மகாராஷ்டிர மாநிலத்தில் வெற்றிகரமாக பொது வேலைநிறுத்தம் நடத்தியவர் அப்துல் ரசூல் குர்பான் ஹுஸைன். அப்போது அந்த மாநிலத்தில் பல இடங்களில் கலவரங்கள் நடந்தன. இக்கலவரங்களைத் தூண்டிவிட்டதாக அப்துல் ரசூல் குர்பான் ஹுஸைன் மீது வழக்குத் தொடரப்பட்டு, மரண தண்டனை விதிக்கப்பட்டது. 1931ம் ஆண்டு ஜனவரி மாதம் 12ம் தேதியன்று ஏர்வாடா சிறையில் அவர் தூக்கிலிடப்பட்டார்.

ககோரி ரயில் கொள்ளை வழக்கில் புரட்சி வீரர் அஷ்பாகுல்லாஹ் கான் மீது விசாரணை நடைபெற்றது. 'நீ முஸ்லிம். மற்ற புரட்சிக்காரர்கள் இந்துக்கள். அவர்களைக் காட்டிக் கொடுத்தால் உனக்கு நிபந்தனையற்ற விடுதலை கிடைக்கும். ஏராளமான பணமும் தரப்படும்' என்றெல்லாம் கூறி வெள்ளை அதிகாரிகள் ஆசை காட்டினார்கள். இந்த ஆசை வார்த்தைகளையெல்லாம் கேட்ட அஷ்பகுல்லாஹ் கான் பாறைபோல் அசையாமல் நின்றார். தங்கள் பரித்தாளும் சூழ்ச்சி பலிக்காமல் போகவே பிரிட்டிஷார் இவருக்குத் தூக்குத் தண்டனை கொடுத்தனர். அவர் தூக்கில் ஏற்றப்பட்ட நாளன்று திருக்குர்ஆனைக் கழுத்திலே தொங்கப் போட்டார். ஹாஜிகளைப் போன்று 'லப்பைக் லப்பைக்' என்று கூறிக் கொண்டிருந்தார். தாமே சுருக்குக் கயிற்றை எடுத்துக் கழுத்திலே மாட்டிக் கொண்டார். அஷ்பகுல்லாஹ் கான் உ.பி.யில் உள்ள ஷாஜஹான்பூரில் பிறந்தவர்.

முஹம்மதலி, ஷெளகத் அலி, அபுல்கலாம் அஸாத் ஆகியோர் காந்தியடிகளின் ஆதரவுடன் துவக்கிய கிலாஃபத் இயக்கத்திற்குத் தமிழக முஸ்லிம்கள் பேராதரவு அளித்தனர். காயிதே மில்லத் முஹம்மது இஸ்மாயீல் இந்த இயக்கத்தில் தீவிரமாக பணியாற்றினார். ஆங்கில ஆட்சியை எதிர்த்து மாணவர்கள் கல்லூரிகளையும் படிப்பையும் துறக்க வேண்டும் என்ற காந்தியடிகளின் வேண்டுகோளை ஏற்று பி.ஏ படிப்பை இடையில் நிறுத்தினார். பின்னர் ஒத்துழையாமை இயக்கத்தில் ஈடுபட்டார். கதர் மீது மிகுந்த அபிமானம் கொண்ட இவர் தனது திருமணத்தின் போது கரடுமுரடான கதர் ஆடை தான் அணிந்திருந்தார்.

விடுதலைப் போரில் ஈடுபடுவதற்காக போலீஸ் சப்-இன்ஸ்பெக்டர் வேலையை உதறி எறிந்தவர் - கம்பம் பீர்முஹம்மது பாவலர். இவர் கதர் இயக்கத்தின் தீவிரத் தொண்டராகத் திகழ்ந்தவர். விடுதலை உணர்வைத் தூண்டும் நாடகத்தில் நடித்ததற்காக இவர் கைது செய்யப்பட்டு அலிப்பூர் சிறையில் அடைக்கப்பட்டார். பொதுக்கூட்டங்களில் பேச ஆங்கிலேய அரசு இவருக்குத் தடை விதித்தது. அதனால் இவர் வாயைத் துணியால் கட்டிக் கொண்டு மேடையேறி சைகைகளின் மூலம் பேசி வரலாறு படைத்தவர்.

சிலையை உடைத்த சீலர்

தமிழ்நாட்டில் கதர் இயக்கத்திற்கு அருந்தொண்டு புரிந்தவர்களில் காஜா மியான் ராவுத்தர், 'மேடை முதலாளி' என்று அன்புடன் அழைக்கப்பட்ட மு.ந.அப்துர்ரஹ்மான் சாகிப், ஆத்தூர் அல்லாமா அப்துல் ஹமீது பாகவி ஆகியோர் குறிப்பிடத்தக்கவர்கள். சுதந்திரப் போராட்ட வீரர்களுக்கு இலவசமாக கதராடை வழங்கியவர் காஜா மியான் ராவுத்தர். பெருமளவில் கதர்த்துணி உற்பத்தி செய்வதற்காக கதர் ஆலை ஒன்றையே அவர் நிறுவினார். 'மேடை முதலாளி' அப்துர்ரஹ்மான் சாகிப் மக்களிடையே கதர் பிரச்சாரம் செய்தார். மக்களுக்கு இலவசமாக கதராடை வழங்கினார். கதர்த் துணி தயாரிக்க இவர் தனது வீட்டிலேயே தறி அமைத்தார். பல வீடுகளுக்குச் சென்று கதர் ராட்டினம் கொடுத்து, கதர் நூற்கக் கற்றுக் கொடுத்தார்.

கதர் அணியாத முஸ்லிம் மணமக்களின் திருமணங்களில் கலந்து கொள்வதில்லை என்று அறிவித்தவர் அல்லாமா அப்துல் ஹமீத் பாகவி. இவர் தீவிர கதர் பக்தராகத் திகழ்ந்தவர். இவர் பல ஊர்களுக்குச் சென்று மேடையேறி விடுதலைப் போர் முரசு முழங்கினார்.

ஆங்கிலேய அரசின் இராணுவத் தளபதியாக இருந்த நீல் எனப்படும் நீசன் மிகுந்த கொடூரக்காரன். சிப்பாய்க் கலகத்தின் போது கண்ணில் பட்ட இந்தியர்களைச் சுட்டுக் கொன்றவன். இவனுக்குச் சென்னையில் சிலை வைக்கப்பட்டிருந்தது. அச்சிலையைத் தகர்க்கும் போராட்டம் 1927ம் ஆண்டு ஆகஸ்ட் மாதம் நடை பெற்றது. இராமநாதபுரம் முஹம்மது சாலியா சிலையை சம்மட்டியால் அடித்து உடைத்தார். இவருக்கு முன்று மாத கடுங்காவல் தண்டனை விதிக்கப்பட்டது. சென்னையைச் சேர்ந்த அப்துல் மஜீது, லத்தீப், இராமநாதபுரம் மஸ்தான், பண்ருட்டி முஹம்மது உசேன் முதலியவர்கள் சிலை உடைப்புப் போரில் பங்கு கொண்டு 6 மாதம் முதல் 2 வருடம் வரை கடுங்காவல் தண்டனை பெற்றனர்.

பிரமிக்க வைத்த வள்ளல் ஹபீப்

நேதாஜி சுபாஷ் சந்திரபோஸின் விடுதலைப் போராட்டத்தில் கிழக்காசியாவில் வாழ்ந்த இஸ்லாமியர்கள் பெரும் பங்கு கொண்டனர். மியான்மரில் (அன்றைய பர்மா) ஹபீப் பெரும் வணிகராகத் திகழ்ந்தவர்.

பெரும் கோடீஸ்வரர். நேதாஜி, மியான்மர் சென்ற போது அவர் தம் சொத்துக்கள் அனைத்தையும் இந்திய நாட்டின் விடுதலைக்காக அர்ப்பணம் செய்தார். அதைக் கண்டு நேதாஜி பிரமித்து விட்டார். இதன் பின் கிழக்காசியாவில் நேதாஜி பயணம் செய்த இடங்களிலெல்லாம் ஹபீபின் வள்ளல் தன்மையைப் புகழ்ந்து பேசிக் கொண்டிருந்தார். 'நாட்டைப் பிடித்திருக்கும் பிணி நீங்க ஹபீப் மருந்து தேவை' என்று அவர் பேசிய கூட்டங்களில் எல்லாம் சொல்லலானார்.

ஹபீபுர் ரஹ்மான், ஷாநவாஸ் கான், கரீம் கனி, மௌலானா கலீலுர்ரஹ்மான், முஹ்யித்தீன் பிச்சை ஆகிய இந்திய முஸ்லிம்கள் நேத்தாஜியின் உதவியாளர்களாக இருந்து அரும்பணியாற்றினார்கள்.

சிங்கை சிங்கம்

1914-ம் ஆண்டில் சூரத்தில் பிறந்து, சிங்கப்பூரில் வாழ்ந்த காசிம் இஸ்மாயில் மன்சூர் பெரும் வணிகர், கோடீஸ்வரர்.

1915 - ம் ஆண்டு ரங்கூனில் முகாமிட்டிருந்த இந்தியப்படையினர் பிரிட்டிஷ் ஆட்சிக்கு எதிராகப் புரட்சியில் கலந்து கொள்வதென முடிவு செய்தனர். இந்தப் படை அணியினருக்குத் தேவையான ஆயுதங்களை வழங்கி ஊக்குவிக்க முன்வந்தார் காசிம் இஸ்மாயில் மன்சூர். இந்திய விடுதலைக்காகப் புரட்சியாளர்கள் நடத்தும் கிளர்ச்சியில் கலந்து கொள்ள சிங்கப்பூரிலிருந்து ஆட்களை ரங்கூனுக்கு அனுப்ப அவர் ஏற்பாடு செய்தார். இத்தகவல் பிரிட்டிஷ் உளவுத் துறைக்குத் தெரிந்து விட்டது. உடனே இவர் கைது செய்யப்பட்டார். இவர் மீதான குற்றச் சாட்டை இராணுவ நீதிமன்றம் விசாரித்து, இவருக்குத் தூக்குத் தண்டனை விதித்தது. 1915 - ம் ஆண்டு ஜூன் மாதம் அவர் சிங்கப்பூர் சிறைச் சாலையில் தூக்கிலிடப்பட்டார்.

இந்தியாவில் பிரிட்டிஷ் ஆதிக்கத்திற்கு எதிராக வெளிநாடுகளில் இருந்த இந்திய இராணுவ முகாம்களில் புரட்சி நடத்தத் திட்டமிடப்பட்டது. இத்திட்டத்தின்படி, சிங்கப்பூரில் முகாமிட்டிருந்த இந்தியக் காலாட்படை அணியினர் புரட்சியில் ஈடுபட்டனர். இராணுவச் சட்டத்தை அமல்படுத்தி இவர்களது புரட்சியை ஒடுக்கினர் ஆங்கிலேயர். புரட்சி பற்றி அவர்கள் விசாரணை நடத்தி ரசூலுல்லாஹ், இம்தியாஸ் அலி, ரக்னுத்தீன் ஆகிய மூவருமே இப்புரட்சிக்குக் காரணம் என்று கண்டு பிடித்தனர். இராணுவ நீதிமன்றம் இந்த மூவரையும் பலரது முன்னிலையில் சுட்டுக் கொல்லும் படி உத்தரவிட்டது. அதன்படி இவர்கள் சுட்டுக் கொல்லப்பட்டனர்.

புரட்சியில் ஈடுபட்ட காலாட்படை அணிக்குத் தலைமை வகித்த சுபேதார் தண்டுகான், ஜமேதார் கிஸ்டிகான் ஆகியோருக்கு இராணுவ நீதிமன்றம் மரண தண்டனை விதித்தது. 1915 ம் ஆண்டு மார்ச் மாதம் 23ம் தேதியன்று இவர்கள் சிங்கப்பூர் சிறைச்சாலை வாசலில் சுட்டுக் கொல்லப்பட்டனர்.

ஒரு நாள் இஸ்லாமிய மாநாடு

2009-02-15T11:25:00.002+05:30

குஜராத் அமைச்சரின் தலைமறைவு: நீதிக்கு இன்னும் தூரமிருக்கிறது

2009-02-06T23:57:00.002+05:30

2002ல் குஜராத்தில் அரசே முன்னின்று நடத்திய இனப்படுகொலையை அவ்வளவு எளிதில் யாரும் மறந்துவிடமுடியாது. அதை கலவரமாக காட்ட முயன்று வைக்கப்பட்ட கண்துடைப்பு விசாரணை கமிசன்களை கடந்து மீண்டும்

அமைக்கப்பட்ட சிறப்பு புலனாய்வுக்குழு குஜராத் மாநில குழந்தைகள் நல அமைச்சர் மாயா கோத்னானிக்கும், விஹெச்பி தலைவர் ஜெயதீப் பட்டேலுக்கும் (மட்டுமா?) தொடர்பு உள்ளதாகவும் விசாரணைக்கு வர மறுப்பதற்காக தலைமறைவுக்குற்றவாளிகள் எனவும் அறிவித்துள்ளது.

நாட்டில் நடந்த பல்வேறு திட்டமிட்ட கலவரங்களுக்கு மத்தியில் குஜராத்தில் நிகழ்த்தப்பட்டது வேறுபடுத்திக்காட்டப்பட்டது. வேறெந்தக்கலவரங்களிலும்(!) இல்லாத வகையில் குஜராத்தில் குற்றவாளிகள் தாங்களாகவே எப்படி அந்தப்படுகொலைகளை நிகழ்த்தினோம்? எங்கிருந்தெல்லாம் எங்களுக்கு உதவிகள் ஆயுதங்கள் வந்தன? வெளிப்படையாக இயங்குவதற்கான ஊக்கம் எங்களுக்கு எங்கிருந்து கிடைத்தது? விளைவுகளை எண்ணி பயப்படவேண்டாம் என தைரியமூட்டியது யார்? என்றெல்லாம் தெளிவாக பேட்டியளித்து அந்த ஒளிக்காட்சிகள் தெகல்கா இணையதளம் மூலம் அம்பலப்படுத்தப்பட்டது. ஆனாலும் குற்றவாளிகள் தண்டிக்கப்படவில்லை, மேன்மக்களாக வலம் வந்தனர்.

அன்று கரண் தப்பாரின் கேள்விகளுக்கு பதிலளிக்க முடியாமல் தொலைக்காட்சி நிகழ்ச்சியொன்றிலிருந்து தண்ணீர் குடித்து வெளியேறினார் மோடி. இன்று சிறப்பு விசாரணைக்குழுவின் விசாரணையை எதிர்கொள்ளமுடியாமல் ஓடி ஒழிந்து கொண்டிருக்கிறார் அவரது அமைச்சர் ஒருவர். இதற்கு குஜராத் அரசின் பதில் என்ன? அமைச்சரவைக்கூட்டத்தில் அவர் கலந்து கொள்ளவில்லை என்பதுதான். ஓடிப்போன அமைச்சரின் உதவியாளர் ஒருவர் அமைச்சர் சுற்றுப்பயணத்தில் இருக்கிறார் ஆனால் அவர் எங்கிருக்கிறார் எனக்கூறும் அதிகாரம் எனக்கில்லை என்கிறார். வழக்கம்போலவே ஊடகங்கள் இந்தச்செய்தியை கண்டுகொள்ளாமல் விட்டுவிட்டன. பார்ப்பனீயச்சார்பு என்பது ஊடகங்களுக்கு மட்டுமல்ல இந்திய அதிகாரவர்க்கத்தின் இயல்பாகவும் அமைந்திருக்கிறது. அதோடு மட்டுமன்றி பெரும்பான்மை மக்களின் பொதுப்புத்தியிலும் ஏற்றப்பட்டு வருகிறது.

குஜ்ஜார்களின் போராட்டத்தைக்கண்டு நாட்டிற்கு இது அவமானம் என்று கொதித்தெழுந்த நீதிபதியோ, நீதித்துறையோ குஜராத் இனப்படுகொலைக் குற்றவாளிகள் எப்படிச்செய்தோம் என நடித்துக்காட்டியதைக்கண்டு கொதித்தெழவில்லையே ஏன்?

அகமதாபாத் குண்டுவெடிப்பில் குற்றம் சாட்டப்பட்ட ஒருவரின் தாய் குற்றம் நிரூபிக்கப்பட்டால் அவனைத்தூக்கில் போடுங்கள் என்றார். இஸ்லாமியர்கள் பயங்கரவாதத்திற்கு ஆதரவளிக்கிறார்கள் அதை அவர்கள் மாற்றிக்கொள்ள வேண்டும் சாமியாடும் சாமியார்கள், பெண்சாமியார் பிரக்யா சிங் கின் தந்தை நான் பெருமைப்படுகிறேன் என்று கூறியதன் பொருள் என்னவென்று கூறுவார்களா? அதுமட்டுமா? சிவசேனா போன்ற அமைப்புகள் வெளிப்படையாக நிதி திரட்டுகின்றன வழக்கை நடத்துவதற்கு. அத்வானி அந்தப்பயங்கரவாதிக்கு ஆதரவாக அறிக்கை விடுகிறார். பாஜக தலைவர்கள் குரூப் போட்டோ எடுத்துக்கொண்டுள்ளனர். யார் கைது செய்யப்பட்டார்கள்? எந்த அமைப்பு தடைசெய்யப்பட்டது? தடை செய்யபடுவது சிமி க்கு மட்டும் பிறப்புரிமையா?

ஒரு மாநில அமைச்சர் விசாரணைக்குப் பயந்து தலைமறைவாகியதைக் கண்டு எல்லா வாயையும் பொத்திக்கொண்டு கள்ள மௌனம் சாதிக்கும் வானரங்கள், காவல் துறை அதிகாரி கார்கரேயின் மரணத்தில் ஐயம் உள்ளது அதை தனியே விசாரிக்கவேண்டும் என்ற அந்துலேவின் நியாயமான கோரிக்கைக்கு வானத்துக்கும் பூமிக்குமாக எகிரிக்குதித்தனவே ஏன்? காங்கிரசும் அந்துலேவுக்கு தண்ணீர் தெளித்ததே ஏன்?

எல்லவற்றிற்கும் மேலாக இந்த பாசிசத்தை மதம் சார்ந்த விசயமாகவே மக்கள் புறிந்து கொள்கிறார்களே எப்படி? சிறுபான்மை மக்களும் கூட தங்கள் மதத்தை அழிக்க பெரும்பான்மை மதவாதிகள் செய்யும் சதிச்செயல் என்பதாகவே புறிந்துகொள்கிறார்களே எப்படி? நாட்டை அடிமைப்படுத்திய வெள்ளை ஏகாதிபத்தியவாதிகளுக்கு கைக்கூலியாக சேவகம் செய்ததற்கு பரிகாரமாக அவர்கள் ஏற்படுத்திக்கொடுத்த ஒருங்கமைப்புதான் இந்து மதம் என்பதை புறிந்துகொள்ள மறுப்பதே அதன் முதற்காரணம். சமண பௌத்த மதங்களோடு போட்டிபோட்டு செரித்த மதம் இந்து மதம் என நம்புவது அதன் புராணங்களைப்போன்றே புழுகு மூட்டை. இஸ்லாமிய கிருஸ்தவ மதங்களைப்போன்று சமூகவியல் தத்துவமாக தோன்றி வந்ததல்ல. மண்ணின் மைந்தர்களை அடக்கியாண்டு, கொன்றொழித்து அரசியல் மேலாண்மை பெறுவதற்கான செயல்திட்டமே பார்ப்பனீயம். அந்த பயங்கரவாத பார்ப்பனீயமே மதமாக இந்துமதமாக வேடம் பூண்டு தன் மனிதகுல விரோதத்தன்மையை மறைத்து நிற்கிறது. இதை சிறுபான்மை மதத்துக்கெதிரான பெரும்பான்மை மதம் எனக்கொள்வதும், தம் மதம் சார்ந்து அதை முறியடிக்க நினைப்பதும் முடிவெட்டிக்கொள்வதாகத்தான் ஆகுமேயன்றி தலைவெட்டுவதாய் ஆகாது. இதை புறிந்து கொள்ளாதவரை தெகல்காவின் அம்பலப்படுத்தலுக்கு மக்கள் ஏன் எதிர்வினையாற்றவில்லை என்பதற்கு விடையளிக்கமுடியாது. இதை புறிந்து கொள்ளாவிட்டால் குண்டுவெடிப்பு என்றதும் பயங்கரவாதம் பொடா வேண்டும் தடா வேண்டும் என ‘சோ’தாக்கள் குதிப்பதையும், பெண்சாமியார் கைது என்றதும் பயங்கரவாதத்திற்கு எதிராய் இப்படி ஒரு திட்டமிருந்தால் அதை ரகசியமாக வைக்கவேண்டும் என்று தொனி மாறுவதையும் சரியான திசையில் விளங்கிக்கொள்ளமுடியாது. மாயா கோத்தானி தலைமறைவானாலும், நாளையே சுற்றுப்பயணம் என்று திரும்பி வந்தாலும் அவர்களை சரியான திசைவழியில் அம்பலப்படுத்தி, தனிமைப்படுத்தி முறியடிப்பதையே இலக்காக கொள்ளமுடியும். அதுதான் மக்களுக்கு தேவையான வெற்றியாய் அமையும்.

- தமிழ் வட்டம்

மத்திய அரசு தேர்வுகள் : கால அட்டவனை - 2009

2009-02-02T23:30:00.006+05:30

எதிர்வரும் அரசு தேர்வு அறிவிப்பு நாள் மற்றும் தேர்வு நாள்

NOTE:- THE DATES OF NOTIFICATION AND COMMENCEMENT OF EXAMINATIONS/ RTs ARE LIABLE TO ALTERATION, IF THE CIRCUMSTANCES SO WARRANT.

இனிதே நிறைவேறியே கலந்தாய்வு நிகழ்ச்சி

2009-02-02T12:59:00.007+05:30

அஸ்ஸலாமு அலைக்கும் ,
மாநில அரசின் கல்வித்துறை, சமூக நலத்துறை, தொழிலாளர் நலத்துறை, வேலை வாய்ப்பு பயிற்சிதுறை, இதுவன்றி மத்திய அரசாலும் பல சலுகைகள் உதவிகள் சிறுபான்மை இஸ்லாமியருக்கு செயல்ப்பட்டு வருகின்றன. இது குறித்த விழிப்புணர்வை இஸ்லாமிய மக்களிடம் எடுத்துரைப்பதை நோக்கமாக கொண்டு ஆரம்பிக்கப்பட்டதே நெல்லிக்குப்பம் இஸ்லாமிய சேவை மையம் (NISC).

இம்மையத்தின் கலந்தாய்வுக் கூட்டம் கடந்த 01.02.2009 ஞாயிறன்று மாலை 5.30 மணியளவில் பெரிய தெரு மதரஸா ஷரீபிய்யாவில் நடைப்பெற்றது.

இந்திகழ்ச்சியில் நெல்லிக்குப்பம் இஸ்லாமிய சேவை மையத்தின் உறுப்பினர்கள், பொறுப்பாளர்கள், சமுதாய நல விரும்பிகள், கல்வி ஆவலர்கள் என அனைவரும் கலந்துக்கொண்டனர்.
இக்கூட்டத்தில் பங்கேற்ற மாணவர்கள் தங்கள் கருத்துக்களை எடுத்துரைத்தனர் மேலும் பகுதி பெருப்பாளர்களுக்கு, சமூக நல உதவிக்குரிய மாதிரி படிவங்கள் கோப்புகளாக வழங்கப்பட்டன.
இதில் கலந்துக் கொண்டவர்கள் அனைவரும் மிக்க மனநிறைவுடன் சேவை மையத்திற்க்கு துவா செய்தவர்களாக முடிவில் கலைந்து சென்றனர்.

நெல்லிக்குப்பம் இஸ்லாமிய சேவை மையம் (NISC): கலந்தாய்வு நிகழ்ச்சி

2009-01-30T20:55:00.005+05:30

இஸ்லாமிய சமுதாய மக்களிடையே கல்வியில் விழிப்புணர்வும், வேலைவாய்ப்பில் அக்கறையும் அரசின் நல உதவிகள் குறித்த விவரத்தினை அறிந்திடச் செய்வதையும் குறிக்கோளாகக் கொண்டு நெல்லிக்குப்பம் வாழ் அனைத்து இஸ்லாமியர்களும் ஒன்றுப்பட்ட நிலையில் துவங்கப்பட்டதே நெல்லிக்குப்பம் இஸ்லாமிய சேவை மையமாகும்.

இவ்வமைப்பின் அவசியத்தையும், தூய எண்ணத்துடன் கூடிய செயல்பாட்டையும் அறிந்த ஆர்வலர்கள், கல்வியாளர்கள் பலர் மேலும் இந்த அமைப்பில் இணைந்து செயல்பட மிகுந்த ஆர்வம் தெரித்துள்ளார்கள். அதன்படி வரும் 01.02.2009 ஞாயிறன்று மாலை 5.00 மணியளவில் பெரிய தெரு மதரஸா ஷரீபிய்யாவில் கலந்தாய்வு நிகழ்ச்சி நடைபெற உள்ளது. இதில் சமுதாய ஆர்வலர்களும், கல்வியாளர்களும், மாணவர்களும் அவசியம் கலந்து கொண்டு இவ்வமைப்பின் சேவைக்கு தங்களது மேலான ஆலோசனைகளையும், ஆதரவினையும் வழங்கிட அன்புடன் அழைக்கிறோம்.

சர்வதேச அளவில் முஸ்லிம் பெண் விஞ்ஞானிகள் முதலிடம்!

2009-01-25T00:51:00.003+05:30

தாங்கள் சுயவிருப்புடன் அணியக் கூடிய ஹிஜாபுக்காக உரிமைப் போராட்டம் நடத்தி வரும் மேற்குலக முஸ்லிம் பெண்களின், "என் தலைக்கு உள்ளேயுள்ள அறிவுக்கூர்மையினைக் கொண்டு என்னை மதிப்பிடு; தலைக்கு மேலே உள்ள ஹிஜாபைக் கண்டு அல்ல!" - என்ற வாசகங்கள் தாங்கிய பதாதைகள் பிரபலம். அந்த வாசகங்கள் எத்துணை உண்மையானவை என்பதை மீண்டுமொரு முறை மெய்ப்பிக்கச் செய்துள்ளனர் முஸ்லிம் சகோதரிகள்.

அறிவியல் தொழில் நுட்பக் கண்டுபிடிப்புகளை உலகிற்கு வாரி வழங்கிய வரலாற்றை மீண்டும் உயிர்த்தெழச் செய்திருக்கும் ஈரான், அறிவியல் மற்றும் தொழில் நுட்பத்தில் ஏனைய இஸ்லாமிய நாடுகளுக்கு முன்னோடியாய் விளங்கி வருவது அனைவரும் அறிந்ததே! அறிவியல் தகவல் தொழில்நுட்ப நிறுவனம் அளிக்கும் தகவலின்படி ஈரானின் உற்பத்தி வளர்ச்சி விகிதம் 1994 - 2004 க்குள் பத்து மடங்கு உயர்ந்துள்ளது. மிகக் குறிப்பாகச் சொல்ல வேண்டும் என்றால் கல்வி மற்றும் பயிற்சி தொடர்பான அதிகரித்துள்ளது.

இத்தகைய விழிப்புணர்ச்சியின் காரணமாக ஈரானிய சமுதாயம் சர்வதேச அளவில் சாதனைகளை அள்ளிக் குவித்துக் கொண்டிருக்கிறது. இஸ்லாம் வலியுறுத்தும் ஆண் பெண் என்ற பால் வேற்றுமையின்றி "அறிவைத் தேடுதல்" எனும் அடிப்படை இங்கே நிருபணமாகிக் கொண்டுள்ளது.

ஆம்! கடந்த வாரத்தில் தென் கொரியாவின் தலைநகரான சியோலில் நடந்த சர்வதேச அளவிலான பெண் விஞ்ஞானிகளுக்கான போட்டி (Korea International Women's Invention Exposition) யில் இந்தப் போட்டியில் 12 தங்கப் பதக்கங்களும், 5 வெள்ளிப் பதக்கங்களும், 6 வெண்கலப்பதக்கங்களையும் அள்ளி ஈரானியப் முஸ்லிம் பெண் விஞ்ஞானிகள் உலகில் முதலிடம் பெற்றுள்ளனர். விஞ்ஞானத்தில் சாதனை புரிந்து வரும் 25 நாடுகள் இதில் கலந்து கொண்டனர்.

* சகோதரி மெஹ்ராஜ் கோல்கின்ஃபர் எனும் முஸ்லிம் பெண், மின் உற்பத்தித் திட்டம் (electricity generator system) ஒன்றை வடிவமைத்ததற்காகச் சிறப்புப் பரிசு பெற்றுள்ளார். மூன்றாம் உலக நாடுகளின் பயன்பாடுகளுக்காக என்றே தனித்துவமாகவும் அதேவேளை சுற்றுப்புறச் சூழல்களுக்கு மாசு விளைவிக்காத முதல் மின் உற்பத்தி நிலையம் என்பதாலும் இவரது கண்டுபிடிப்பு சிறப்புப் பரிசை வென்றுள்ளது.

* சகோதரி சோனியா சப்ரீ அவர்களின் பல்வேறு மூலப்பொருட்கள் சேர்ந்து உருவாக்கும் "நானோ காம்ப்போஸைட்" கண்டுபிடிப்புகள் World Intellectual Property Organization (WIPO) பரிசினைத் தட்டிச் சென்றுள்ளது.

* அதே சமயம் சகோதரி மரியம் இஸ்லாமி என்பவரின் எலும்புகள் தொடர்பான நோய் அறுவை சிகிச்சை முறைக்கான புதிய தொழில் நுட்பம், International Federation of Inventors' Associations (IFIA)வின் பரிசை வென்றுள்ளது.

ஈரானிய விஞ்ஞானிகளின் கண்டுபிடிப்புகள் தொடர்பான கூடுதல் தகவல்கள்:

பன்னாட்டு இயற்பியல் ஒன்றியத்தால் (The International Union of Pure and Applied Physics - IUPAP) இவ்வருடத்திய சிறந்த இளம் விஞ்ஞானியாக டாக்டர். யாஸமென் ஃபர்ஜான் தேர்வு செய்யப்பட்டுள்ளார். எதிர் வரும் ஜூலை 30 முதல் ஆகஸ்ட் 5 வரை அமெரிக்காவில் நடக்கவிருக்கும் 34-ஆவது சர்வதேச உயர் ஆற்றல் பெளதீக மாநாட்டில் High Energy Physics (ICHEP2008) இதற்கான சாதனை விருதினை இவர் பெறவுள்ளார் என்பது இங்கே குறிப்பிடத்தக்கது.

அமெரிக்கா போன்ற நாடுகளுடன் அரசியல் ரீதியிலான உறவுகள் ஏதுமற்ற நிலையிலும், பல மேற்கத்திய நாடுகள் ஈரானின் பல்கலைக்கழகங்களுக்கு ஆய்வுகளுக்கான மென்பொருள் / வன்பொருள் வாங்க பொருளியல் சார்ந்த அனுமதிகளை வழங்க மறுக்கும் சூழ்நிலைகளிலும் ஈரானின் விஞ்ஞான உற்பத்தித் திறன் பெருமளவு வளர்ச்சியடைந்துள்ளது. ஈரான் அளிக்கும் தகவல்படி அறிவியல் மற்றும் தொழில்நுட்பக் கல்லூரிகளில் பயில்வோரில் 70% பெண்கள் ஆவர்.

இயற்பியல், கணிதம், மருத்துவம் மற்றும் உளவியல் துறைகளில் பல "முதன் முதலாய்" கண்டுபிடித்து சாதித்திருந்தாலும் சரியான வழிகாட்டுதல்கள் மற்றும் பதிவுகள் இல்லாத காரணங்களினால் இவர்களது கண்டுபிடிப்புகள், இவர்களது ஆய்வுகளைப் பின்பற்றும் மேற்கத்தியர்கள் 'கண்டுபிடித்த'தாக அறிவிக்கப்படுகிறது.

உலகின் முதல் "பேட்டரி" தொழில்நுட்பத்தில் துவங்கி காற்றாலை மூலம் கொண்டு ஆற்றலைப் பெறுவது வரை மட்டுமில்லாமல் அல்ஜீப்ரா, வேதியியல், புவி ஈர்ப்பு விசை, ஒளியின் வேகம் ஆகிய கண்டுபிடிப்புக்களை உலகிற்குத் தந்த ஈரான், பதிவேட்டில் தனது கண்டுபிடிப்பைப் பதிக்கத் தவறியதைக் காலம் கடந்து உணர்ந்துள்ளது.

காலம் கடந்து உணர்ந்தாலும், அதற்காகச் சோர்ந்து விடாமல் முயற்சி செய்து சர்வதேச தொழில்நுட்ப வளர்ச்சிக்கான அரங்கில் தன்னை நிலை நிறுத்த ஈரான் முயன்று வருகிறது. நம்பிக்கை ஊட்டும் இத்தகைய விழிப்புணர்வுகள்தாம் இன்றைய இஸ்லாமிய சமூகத்தின் அவசியமான தேவைகளாகும்.

சர்வதேச அளவில் 25 நாடுகளுடன் நடந்த போட்டியில் இரானின் முஸ்லிம் பெண்கள் சமர்ப்பித்தத் திட்டங்களில் வென்றவை பின்வருவாறு:

1. Mehrnaz Golchinfar: Power station without pollution for environment (Winner of the Special Jury Award)
2. Ladan Nakhaei, Saeideh Nooshzadeh and Naser Darijani: Laboratory washer device for washing non accessible points of the laboratory tools and devices.
3. Elena Horri, Mehrangiz Ebrahimi and Mohsen Horri: Washable polymer and elastic for x-ray absorption
4. Negar Mahmoodian: Automatic music stand
5. Marzieh Morselpour, Mohammad Ali jusefzadeh and Parvin Nejad Sarvari: Production of ointment and suppository of citrullus colocynthis extract to reduce blood sugar
6. Negar Molazadeh: Intelligent seat belt
7. Parvin Vasseghi, Anaheita Davoodi and Tahmasb Davoodi: Building energy management system (BEMS)
8. Soheila Kamrani and Saeed Naderian: Producing water color compounds special for use in water color painting technique on stone, as well as regular technique of water color prepared from pigments of fruits, herbal plants, food colors and powder paints
9. Sonya Saberi: (World Intellectual Property (WIPO) Award)
10. Fatemeh Soltanzadeh and Mojtaba Emamjome: The Optimization of Cement and Concrete with Usage of Oman Sea Chalky Conches
11. Samaneh Mollaghasemi, Mahtab Ahmadi and Mansoor Norooz Eidian: A device to relieve migraine pains.
12. Roghayeh Hashemi: Anti-Fertility effects of seed of cossypium herbaceum and ruta graveolens plants on adult male rats is regd
13. Hoda Jalali Nejad, Amir Jalali Nejad and Hamid Jalali Nejad: Recycling of polyethylene tare phthalate (PET) which used for water and soft drink
14. Maryam Eslami: An implement for reparation and surgery of osseous diseases in olecranon (nternational Federation of Inventors' Associations (IFIA) Award, also honored with the WIPO special emblem as the top laureate for her findings consistent with the treatment of bone and joint diseases at the 36th International Exhibition of Inventions held on April 2-6 2008,where she (photo to the right) won the first prize)
15. Mahnaz Saeedi Delcheh: Flat gelatins cover for shoes to attending high equilibrium and residence of foot ache
16. Zahra Sajjadi: Automatically system that change unpleasant air to pleasant air
17. Iman Kanani: Water Purifier/Softener
18. Sahar Sepehr: Robo School Police
19. Maryam Noori: Robo traffic police
20. Zeynab Abdolzahrai: Wireless Electric Skate Roller

- அபூ ஸாலிஹா
- நன்றி சத்தியமார்க்கம்

அமெரிக்காவின் குவாண்டநாமோ சிறைச்சாலை மூடப்படுகிறது

2009-01-24T23:52:00.001+05:30

அமெரிக்கா வில் உள்ள குவாண்டநாமோ சிறைச்சாலையை ஓராண்டு காலத்துக்குக்குள் மூடவேண் டும் என்று புதிய அதிபர் ஒபாமா ஆணையிட்டுள்ளதாக வெள்ளை மாளிகை தகவல் தெரிவிக்கிறது.

அதிபராகப் பொறுப்பேற் றுக் கொண்டவுடன் ஒபாமா அதிரடி ஆணைகளைப் பிறப் பித்து வருவதாகத் தெரிவிக்கும் தகவல்கள், முதல் கட்டமாக குவாண்டநாமோ சிறைச் சாலையை ஓராண்டு காலத்திற் குள் மூடவேண்டும் என்று ஆணை பிறப்பித்துள்ளதாக வும், இது தொடர்பாக கையெ ழுத்திட்டாகவும் தெரிவிக்கின்றன.

குவாண்டநாமோ போன்ற சிறை முகாம்களை மூடுவேன் என்று அதிபர் தேர்தல் பிரச் சாரத்தின் போது ஒபாமா உறு தியளித்திருந்தார். இச்சிறைச் சாலை மூடப்பட்டதும் அந்தச் சிறையில் உள்ளவர்கள் மற்ற நாடுகளுக்கு மாற்றப்படவோ, அமெரிக்க நீதிமன்றங்களில் நிறுத்தப்படவோ மாட்டார் கள் என்று கூறப்படுகிறது.

குவாண்டநாமோவில் போர் குற்ற விசாரணைகளை 120 நாட்களுக்கு நிறுத்தி வைக்க ஒபாமா ஆணையிட்டதைத் தொடர்ந்து இந்த புதிய நடவடிக்கை மேற்கொள்ளப்பட் டுள்ளது. இச்சிறைச் சாலையை மூடுவதற்கு அமெரிக்க மக்கள் பெரும் அளவு ஆதரவு தெரி வித்துள்ளதாக கருத்துக் கணிப்பு தெரிவிக்கிறது. இச் சிறையில் உள்ளவர்களுக்கு ஒபாமாவின் ஆணையால் விடு தலை கிடைக்கும் என்று எதிர்பார்க்கப்படுகிறது.

இஸ்லாமிய மாணவர்களுக்கு ஓர் அரிய வாய்ப்பு !

2009-01-19T13:56:00.001+05:30

மத்திய அரசு பிற்படுத்தப்பட்ட மாணவர்களுக்கு கல்வி ஊக்கத்தொகை அறிவித்துள்ளது. அதன்படி சென்ற ஆண்டு முதல்(2008) +2 பொது தேர்வில் 80% அதற்கு மேல் எடுத்த மாணவ/மாணவியருக்கு பட்டப்படிப்பு ஊக்கத்தொகையாக மாதத்திற்க்கு தலா ரூ 1000/- விதம், ஆண்டின் பத்து மாதங்களுக்கும் மொத்தம் மூன்று ஆண்டுகளுக்கு வழங்கப்படும். தொழிற்க்கல்வி பயிலும் மாணவர்களுக்கு 4வது மற்றும் 5வது ஆண்டிள் , மாதம் தலா ரூ 2000/- வழங்கப்படும். மேலும் முதுகலைப்பட்டம் படிக்கும் மாணவர்களுக்கும் மாதம் தலா ரூ 2000/- வழங்கப்படும் .
பூர்த்தி செய்யப்பட்ட விண்ணப்பம் சேர வேண்டிய கடைசி நாள் 28.01.2009

விண்ணப்பம் பார்க்க

உதயமானது: நெல்லிக்குப்பம் இஸ்லாமிய சேவை மையம்(NISC)

2009-01-18T10:52:00.001+05:30

இஸ்லாமியர்களுக்கான சலுகைகளும் வாய்ப்புகளும் - 2

2009-01-17T07:31:00.003+05:30

இஸ்லாமியர்களுக்கான சலுகைகளும் வாய்ப்புகளும் -1

2009-01-17T06:57:00.010+05:30

அஸ்ஸலாமு அலைக்கும் ,
மாநில அரசின் கல்வித்துறை, சமூக நலத்துறை, தொழிலாளர் நலத்துறை, வேலை வாய்ப்பு பயிற்சிதுறை, இதுவன்றி மத்திய அரசாலும் பல சலுகைகள் உதவிகள் சிறுபான்மை இஸ்லாமியருக்கு செயல்ப்பட்டு வருகின்றன.

நம் மக்களின் பெரும்பான்மையானவர்களுக்கு, இச்சலுகைகள் உதவிகள் குறித்து ஏதும் தெரியவில்லை. தெரிந்திருந்தாலும் தகுதியானவர்கள், முறையாக அணுகி பெற முயல்வதும் இல்லை. நம் சமூகத்தில் வறுமைக்கோட்டிற்கு கீழ்ள்ளோர் ஏராளம். வறுமையில் கல்லாமையும், கல்லாமையால் வறுமை என்கின்ற முன்னேற்றமின்மை நம் சமுதாயத்தில் பெரும்பான்மையினரைச் சுற்றியுள்ளது. இந்நிலையைப் போக்கவே கல்விக்கு முதலிடம் கொடுத்தும், வேலைவாய்ப்பு மற்றும் அரசின் உதவிகள் குறித்த விவரங்களையும் தெளிவாக கொண்டு செல்லும் நோக்கத்துடன் இவ்விவரங்களின் இங்கு வெளியிடப்படுகிறது.

குறிப்பு: இது குறித்து சந்தேகங்கமோ, ஆலேசனையோ தேவைபடின் தொடர்பு எண்னுக்கு அழைக்கவும்.